Kengo

我練習劍道15年，大約10年前開始出現腰痛問題，更令我困擾嘅係盆骨穩定性出現好大問題，每次發力都會失控外旋，導致每次練習表現都好差，進度停滯不前。自己嘗試過尋找不同方法，例如拉筋、按摩推拿、針灸、骨科、整骨乜都試過晒，但都無改善，令我非常沮喪。

然後好唔憤氣嘅我就自己搵好多資訊，希望可以自己醫番好自己，什麼O型腳改善運動、盆骨前傾成因、十個最好強化core訓練等都睇過晒（依家睇番轉頭原來好多都係錯嘅），但都無乜幫助。直至到遇到Performancefix 嘅Sammy，佢只係用咗好短時間就將我10年嘅困擾解決咗，不但止功力番晒嚟，隨住身體功能正常番，實力仲強過之前，令我可以再次全情投入自己喜歡嘅運動。

我地嘅模式係知識增長+每月一次訓練/治療嘅模式。想強化嘅能力除咗可以自己揀，最amazing嘅係訓練嘅方法係Sammy根據我嘅身體狀況同玩開嘅運動去「度身訂造」。劍道本身係冷門運動，加上自己見過好多亂做重訓練錯野，反變影響運動表現嘅例子，所以最初都有啲擔心。但同Sammy傾完之後，發現完全擔心係多餘，因為佢對劍道嘅發力分析仲準確過我自己（說來慚愧），因此佢設計俾我嘅方案，全部都係非常到肉，即刻見效。喺每習section裡面，佢運用治療+training嘅方法去做，先幫我解決身體嘅dysfunction，然後再去做training，加上訓練時俾到好精準嘅指示，令我平時練極都練唔到嘅野，佢喺一個section入面令我學識，不特止仲會講解埋當中嘅思路同原理，我可以充分理解到成個脈絡，咁自己番去就唔會練錯。

密度嚟講，一個月見一次聽落好似好少咁，但原來只要對身體構造有足夠理解，加上一針見血嘅訓練，呢個頻率都可以有好顯著嘅效果。喺Patreon到佢會持續更新超高質嘅肌動學或者運動知識（有心想學坊間搵唔到嘅實用資訊嘅人一定覺得正），配合訓練一齊用，會好清晰自己練緊乜，或者點樣練。例如上個月學識左肋骨嘅構造，然後再去搵Sammy train正確嘅肋骨擺位同呼吸方法，咁就學到點樣啟動core嘅技巧，之後有一個月時間慢慢熟練，同埋integrate落自己嘅專項運動到，下一個月就再下一城，練正確嘅hip發力方法，慢慢咁累積上去。幾個月過去，自己就齊晒最需要嘅能力。依家每個月最都期待嘅就係去搵佢解鎖新技能。