韋婉婷

我係2021年3月有機會接觸Sammy，傾計時了解他作為performance coach的理念，亦係我認為屬於香港比較小有的「personal trainer」類型，所以就開始跟佢訓練。

我有參與香港女子足球甲組聯賽，亦係香港女子代表隊成員，為左有更好身體質素應付比賽，所以有時會自己做額外訓練。但因為自己缺乏專業知識，所以我會上網研究健身方式或者運動員訓練方法，然後自己練。

不過實行時訓練要因應個人身體因素或狀態做調整，而「訓練」牽涉的範疇實在太多，所以有時會有無從入手既感覺，訓練狀態有時會浮浮沉沉，狀態亦會唔穩定。

以往自己比較著重可唔可以舉起更重的重量，但係Sammy設計的訓練入面，除左確保力量有提升之外，更多是追求肌肉的活動能力及功能性。

女子隊係香港雖然是業餘性質，但有時為左應付比賽期，一星期可能會練5-6日再加比賽，然後膝頭通常都會係頻密訓練之後痛。雖然放鬆可以短暫舒緩，但通常回復訓練後就會打回原形。

開始跟Sammy訓練之後，佢透過測試評估、觀察姿勢、再搵出成因，令我都了解自己既膝頭痛，係不只在於一條肌肉緊咁簡單。解決問題之後再強化其他肌肉，亦明顯減低左膝頭因為代償而帶黎既痛楚。

跟Sammy訓練左接近一年，每星期持續1-2課，除左解決膝痛之外，係整體感覺上（無論力量或發力），我都覺得有明顯改善。

而最令我放心跟佢訓練既原因係，即使訓練時身體狀況是好或差，佢亦有能力根據當刻的狀態即時作出調整（舒緩身體症狀或提升狀態），而我認為呢個能力對於應對經常有唔同強度的訓練/比賽既運動員黎講係非常重要。