3個月無見，終於見番學生，首要都係協助解決身體問題。學生表示手臂移動時左邊肩胛骨內側有夾擠感覺，而且感覺呼吸時主要都用頸呼吸。
正常情況下，肩胛骨有問題，應該將肩胛骨、胸椎同頸椎部位一併評估以搵出問題。不過係靜態同動態觀察嘅時候發現盤骨同腰椎嘅問題比較大，所以決定先解決盤骨問題，然後再解決肩胛骨問題。
再經過一輪評估後，發現係左髖未能有效做出內收嘅動作，令到盤骨長期停留在右邊，並且影響矢狀面動態。針對性解決盤骨問題後，盤骨的矢狀面動態明顯變得穩定。
下一步，再透過四足跪姿動作整合盤骨係新嘅位置同肋骨同上肢嘅協同發力，令到核心更穩定。
最後，就係係單膝跪地嘅情況下，係盤骨維持係左邊股骨上方並且關節中立(joint centrate)嘅時候，透過橡筋帶進行低強度嘅肩胛骨開放鏈訓練，以改善肩胛骨的動態為主要目標。
經過一輪調整後，盤骨位置從新置中，左邊肩胛骨活動好轉，呼吸亦都明顯感到舒服。
上肢的問題可能是下肢導致，身體左邊的問題也可能是右邊引起。主訴的部位不一定是最大的問題來源，所以在評估與思考時也不妨退後一步，思考全身的活動，可能會更容易找到問題。
Comments