體能訓練有好多不同的面向，速度、爆發力、力量、關節活動度、心肺功能等等。隨著訓練目標的不同，訓練動作也可以有非常多不同的變化。
如果是外行人，可能會覺得做某種特定的訓練動作（如舉重動作、跳躍動作等等）就可以最有效地提升運動表現，期望進行數星期從網上購買的sports performance specific program就可以提升表現。
但是成為體能教練這幾年的經驗令我知道，要從業餘跨越到職業級運動員，#最重要是還是身體力量的提升。
對力量嘅定義係泛指全身多角度發力的能力，如深蹲是下肢下向上的發力，硬拉是後向前的發力，胸推是上肢向前推的發力，划船是上肢向後拉的發力，再加上針對額狀面同水平面嘅發力能力嘅動作。
訓練唔係單單想增加舉起嘅重量，是係想訓練身體在發力時的穩定性。外力越重，身體的穩定性需求就越高。
假設動作質量無問題的情況下，下肢發力會提升盤骨穩定性，上肢發力會提升肋骨穩定性。所以話，多角度嘅重量訓練本身就係好好嘅核心訓練，然後就可以將核心力量帶落球場專項訓練時用。
身體唔能夠係全力發力、高速移動時保持穩定性，#慢動作時動作做得幾精巧都無用。
—--
如果有近距離見識過高水平職業運動員嘅訓練，就會知道佢哋真係好大力，係明顯比一般運動愛好者要大力好多。當然，衡量運動表現並唔係話越大力就越好，但如果無相若程度的力量，連參與對抗嘅資格都無。如果參與嘅係足球、籃球等等對抗性運動的話問題將會更加明顯。
我講過高水平運動員需要心、技、體嘅配合，除非技術高幾個層次，否則體能都係重要一環，起碼都佔三份一，無相應的力量，有對抗技巧都會飛走。
即使你只是業餘運動員，但全身基礎力量的提升已經足夠令你係同水平球手嘅競技上取得明顯優勢。
要提升力量，並無特別嘅技巧。需要嘅就係紮實地執行8-12星期，符合 #漸進超負荷原則（progressive overload）同盡量全身都練得到嘅訓練計畫。
另外就係配合適當嘅休息同埋足夠嘅蛋白質，咁力量同肌肉量都會相應提升。無捷徑可言，如果有的話相信都會有非常多嘅職業運動員採用。
當然，如果時間有限，點樣挑選需要訓練嘅部位同特質，就考驗訓練師嘅功力啦。
並唔係話訓練動作唔重要，但相比之下，鑽研太多「特別」嘅動作，都不如提升發力能力實在。
慢慢行先會走得遠，紮實地提升基本功，比起做好多花巧嘅動作更為重要，亦都更有效提升運動表現。
能力到了，有最起碼嘅對抗能力，繼而先可以思考點樣透過全身的訓練動作幫助專項運動動作做得精準，亦都係大家思考「特別的訓練動作」的時候。但同樣地，要整個動力鏈嘅能力得以提升，都係需要一定嘅阻力同強度，否則身體唔會進行adaptation，練左都無意思。
–
雖然都係做差不多嘅動作，但教練嘅重要性體現係：
教導運動員正確執行動作
係適當時候提升強度並且確保運動員唔會受傷
根據需要微調動作細節
根據訓練效果調控訓練量
令到運動員明白訓練同運動表現的關係
看似簡單，但大家都明白，好多時自己以為做得好嘅動作，原來都係做得唔好，都需要教練嘅提點。以上嘅事項運動員都未必能夠獨自完成，就需要依靠訓練師嘅幫助先可以完成。
It may seems boring, but athletes cannot do it without you.
Comments