早前文章講左點解坐得耐脊椎會唔舒服，同埋脊椎的功能，呢篇文章就會進一步講訓練可以點樣幫助減輕腰不適的問題。
早前文章都講左，脊椎有問題的其中一個原因就係長時間維持係一個不良好的姿勢，導致脊椎失去穩定性，某個特定部位過度受力，或者某些肌肉做唔到應該要做到的功能。
所以係訓練時都可以由兩個方法入手：
1. 增加脊椎的穩定性
2. 幫助脊椎做到不同平面移動
身體有好多肌肉幫助脊椎穩定，例如橫隔膜、腹橫肌、腹內斜肌、多裂肌等等，以及好多其他連結脊椎的肌肉。係理想情況下，當脊椎需要穩定時，以上的肌肉都會一同收緊，幫助產生穩定性。
當我地理解何謂穩定性的時候，並唔係講緊類似平板支撐咁全身繃緊維持姿勢不變。而係要不停活動肢體，然後嘗試係四肢活動嘅時候維持中軸穩定，以此誘發核心肌群用力。
而當中比較多人認識的動作就係死蟲同鳥狗式，可能好多人係做復健動作的時候都有做過以上動作，但實際上，係訓練層面仲有好多不同的動作可以幫助你一步步過渡到康復或者重投運動的層面。
----
另外，除左要脊椎穩定外，另一個需要做到的就係訓練脊椎係受控情況下的活動能力。脊椎本身可以進行三平面的活動，而長期停留係一個位置就有可能減弱脊椎係不同平面下的活動能力，繼而係較為大幅度的身體活動（例如各種球類運動）容易受傷。如果能夠係受控的情況下慢慢鍛鍊出脊椎係不同平面的活動能力，就當然更好了。
其中一個例子，好多時候椎間盤突出都係源於脊椎的屈曲與旋轉，咁係咪代表我地一世都唔可以做脊椎屈曲，唔可以彎腰執野？相信大家都會想像到係無可能的事。所以如果係復健階段可以令到脊椎係受控的情況下做到屈曲與伸展，就可以減低受傷嘅風險。
下背痛的成因有好多種，如果你想減輕下背痛的症狀，不妨多運動，多活動脊椎，肯定會有幫助。另外，如果情況持續，就記得要尋求治療專業人士嘅協助啦。
有興趣預約的朋友，可以填寫google form 預約試一試！
Comments