承上篇文章，仲可以深入再講小小，係睇呢篇文章之前，歡迎大家先睇上一篇文章《你正在做的是workout還是training?》
如果大家認為自己係進行緊訓練的話，又有無思考過自己嘅訓練目的係咩？
簡單分類，訓練可以分為復健訓練同強化訓練，兩者有小小不同，主要體現係訓練強度上。
如果你係受傷，有痛楚，身體機能唔足以無痛地應付你日常所需要完成嘅任務或者你嘅進行專項運動訓練（籃球、羽毛球、足球等等）的話，你需要嘅係復健訓練，目的係提升你受傷、痛楚部位或者經評估後確認為較弱部位的力量與控制能力，減低痛楚復發嘅機率。
簡單黎講，復健訓練強度相對較低，只係針對特定部位。
當復健訓練進行到一定程度，身體開始變得平衡的時候，如果想更進一步，就需要進行將身體質素綜合提升嘅強化訓練。
強化訓練可以有好多嘅種類，可以針對速度、爆發力、絕對力量、動力鏈協同發力等等，但佢地嘅共通點，就係盡量令到全個身體不同部位共同發力，並且令到整個身體嘅質素共同提升。
同時，強度都要足夠高，足夠令到身體意識到現有嘅肌肉量唔足以應付，從而提升肌肉質量。
舉例，復健訓練可能係：
死蟲式訓練
肩外旋訓練
髖內外旋訓練
各種地板bodyweight訓練動作
強化訓練可能係：
深蹲
硬拉
六角槓跳
衝刺跑
增強式訓練
所以，如果你係曾經受傷，咁先做低強度訓練幫助身體康復，係正常嘅事。但係只做復健訓練，由於強度不足，身體依然有比較大嘅受傷風險。
如果想進一步提升運動表現同埋回歸高強度專項運動訓練，就需要進行高強度強化訓練，全方位提升身體質素。
好多人都以為自己係gym做好多動作，做到流好多汗，就係有用嘅訓練。但其實，留好多汗同訓練強度同能否幫助身體質素提升，並沒有太大關係。
最起碼，一定嘅大重量訓練去提升身體全身肌肉協同發力嘅能力，同埋進行衝刺、彈跳訓練去提升爆發力，係必須進行嘅訓練。
並且唔係一次半次，而係一段以月計，持續性嘅訓練計劃黎進行提升，身體先可以有明顯可見嘅變化。
如果你經常受傷，或者受痛楚困擾，不妨思考一下：
————————
另外，如果係教練嘅朋友睇到呢度，仲有多兩個問題可以比大家思考。
對教練黎講，學習復健訓練動作同埋學習強化訓練嘅動作都非常重要。
而學呢兩類動作其實就係解答緊不同嘅問題：
復健訓練：究竟點樣先為之健康嘅身體？點樣先係復健訓練嘅終點？
強化訓練：究竟點先可以安全地進行高強度嘅強化訓練，並且唔會係高強度訓練時令到身體歪斜、關節受傷？
第一類問題係關乎對人體動態同身體關節動作嘅了解。
第二類問題都係關乎對身體關節動作嘅了解，同時亦都係對訓練動作細節嘅掌握。
呢幾個問題其實就係大家學習訓練類知識時嘅關鍵。
我會係自己嘅課程《肌動學與訓練應用》當中分享我對於以上問題嘅睇法。課程會係6月中左右舉行，詳情會稍後公布，如果有興趣嘅朋友，不妨向我查詢或者報名留位！
Comments