有無試過一種感覺係好似係跑步機上跑步嘅倉鼠一樣，好似被動地要不停跑不停跑。即使係個人工作成就已經好高，但好似唔能夠被滿足一樣，不停要向前走，唔識得停落黎享受。有不停追求進步嘅心係好事，但如果追求卓越背後係不停覺得自己不足，唔識去肯定自己已有嘅成就，其實會造成好大嘅心理負擔。
常見症狀包括：
焦慮，經常覺得要急住完成目標
完成一個目標後立刻趕著要去完成下一個目標
經常覺得有野唔對路，但唔知係咩，亦都唔知點處理
唔識得休息，覺得休息係浪費時間
好難專注，經常被分散注意力
經常覺得不滿足
Groundedness就係講點樣去處理呢種不停覺得不足嘅心態。
作者提出幾個原則去達至groundedness呢個狀態。
接受自己現有嘅處境 accept where you are
唔係經常思考自己想去達成嘅目標，或者你認為你應該要做到嘅目標，首先詳細地思考自己現有嘅處境。
專注現在，唔係過去或未來 be present
唔好比過去發生嘅事或者你覺得未來會發生的事影響自己對現在正發生的事的睇法。
有耐性 be patient
good things take time, 慢慢來比較快。
欣賞自己嘅不足embrace vulnerability
大家習慣係工作環境、社交媒體建立一套有別於真實的自己的形象，以掩飾自己嘅不足。有意識地了解自己的不足，就識得點樣投放精力去改善自己嘅不足。
建立互相支持嘅社群 build deep community
故名思義，搵一啲可以互相推動嘅朋友。
多活動身體 move your body to ground your mind
專注地活動身體係一種將渙散嘅注意力集中係一齊嘅方法，特別係做一啲需要集中注意力先可以完成嘅活動，更加可以幫助人專注係當下，專注係當下嘅身體狀況。
—
其實書本中講嘅原則都大同小異，但當然，都係知易行難。
過往我都曾經係一個追求不停向前行，必須要達到目標嘅人。曾經都有一種類似「知識焦慮症」嘅情況，就係覺得有好多知識我都唔了解，需要不停去學，上好多嘅堂，然後不停去工作以達到更好嘅工作成就。
係去到近年，經歷過不同範疇嘅治療師嘅提醒同一啲親身經歷，都知道有啲事情係急唔黎，有啲事唔可能一步到位，紮實地踩好每一步，為之後嘅每一步都打好基礎，累積上去反而比較好。
你真正有能力的話，先行同後行其實都一樣，後行一樣可以係先行者中間插旗。所以無需要急，反而係做好每一次嘅累積。
係你嘅就係你嘅，唔係你嘅比你都無用。
訓練亦都係一個道理，紮實地做好每一次嘅訓練課表，慢慢累積能力。唔一定每次都做到完美，但每次都做得比上次更好，然後時間就會係你嘅朋友。
同樣，如果當下你覺得自己需要休息，可以令到你感覺良好的話，休息亦都係一件好事，因爲唔能夠做到良好嘅休息就唔會有好嘅提升。Don’t bullshit about no pain no gain。
Comments