假如訓練後想盡快擺脫傷患，重新回歸心愛的運動，大家心目中都會知道需要接受物理治療，然後做復健訓練 rehab training。但大家有無思考過如何才是更有效的復健訓練？單純用阻力帶進行阻力訓練，又是否足夠令到我們可以擺脫傷患呢？為大家分享幾個關於復健訓練的大原則，相信可以協助大家更認識訓練。
訓練需要有目標
進入正題之前，首先需要理解訓練同單純去「做gym」有分別。如果用英文去講，即係training & workout 兩者有分別。
分別係邊？
去「做gym」可能係較為放鬆，單純去活動下身體，或者透過運動流汗去放鬆情緒。
但訓練就應該係有一定嘅訓練目標，跟隨一定的大原則做訓練動作，期望能夠更接近你的訓練目標。
復健訓練的目標是甚麼？
同樣地，當受傷後，去做復健訓練都應該要有目標，咁目標是甚麼？
直覺思考，復健訓練嘅目標係想令到受傷部位盡快收復，恢復正常的活動能力。
但有幾個延伸問題都值得思考：
訓練嘅目標係應該只係「恢復正常的活動能力」，定係想「優於受傷前的活動能力」。
身體係一個整體地運作，有無可能係受傷嘅嗰段時間只係訓練受傷部位，但又忽略身體其他部位的訓練？
本身受傷部位的活動機制係如何，佢本身需要做的專項動作中受傷部位需要如何運作？
綜合以上三點，試想一下如果只係做單關節，針對受傷部位的復健訓練，效果是否足夠直接回到球場訓練？
假如目標係恢復到受傷前的水準，另一個值得考慮的問題是：受傷前的水準是否真係足夠好？
復健訓練應該符合甚麼訓練原則？
根據上面所講的延伸問題，都可以推論出復健訓練的一些基本訓練原則。
強度要夠高：為了能夠「優於受傷前的運動能力」，復健計畫中後期的訓練強度應該要足夠高，起碼要符合受傷前的訓練強度，甚至要更加高。要達到高強度，就必須要有力量、爆發力、衝刺跑或投擲等等高強度訓練元素。
大量複合訓練動作：在受傷初期都盡量維持其他關節的肌力與活動能力，並且在中後期以全身發力動作的複合式動作為主，不要只把目光放在受傷的部位，而是視全身為一個整體。
參考專項動作：需要參考專項運動的動作模式做訓練，目標使受傷關節能夠負荷專項訓練的動作模式與強度。
結語
如果你本身有固定的訓練習慣的話，你的復健訓練應該係修改過後的恆常體能訓練，亦即係：
維持強度
不偏離訓練目標
選擇儘量不造成痛楚的訓練動作
תגובות