原本應該早啲寫，但早前實在有啲忙，所以拖到宜家先寫。
頭4個月，全城lock down，呢個係客觀環境嘅問題，無得改變，避唔到唯有一齊捱。
但即使無工開，依然做左好多野，報讀左一啲課程，望番轉頭，同1月嘅我相比，有非常大嘅改變。
可能大家見我經常寫文章分享訓練概念同知識，覺得我知識量好豐富，但以往我非常專注係人體動態、動作分析、肌肉解剖學上面。不足其實都相對明確，就係短途衝刺嘅教學、programming 嘅能力、仲有對conditioning training嘅理解。
所以今年我將進修重點就係改善呢啲弱點，繼續補強自己作為一個訓練專業人員嘅能力。
報讀左嘅課程，分別有precision nutrition level 1，altis 嘅coaching the short sprint 課程，仲有bioforce conditioning certification。當然，無得出國，所以全部都係網上課程，但依然係學到好多專業知識。
至於programming，以往報讀過嘅課程都有教過，要做嘅就係係4個月時間裡攞出黎不停重溫，然後應用。
呢啲知識對於係健身室做personal training未必需要，但對於持續地提升運動員能力，係比賽前不同時期改變program內容，令到佢地可以以最佳狀態迎接比賽或者賽季，呢啲能力就非常重要。
每個運動員都係獨一無二，身體情況同面對嘅比賽內容都唔一樣，都需要單獨去檢視同分析。Assessment，planning，execution三樣都非常重要。
You don’t know what you don’t know。曾經我都以為自己係一個幾好嘅教練，但經過半年嘅累積同弱點補強之後再望番半年前嘅自己，先發覺進步空間仲有好大。特別係接觸過外國嘅教練所寫嘅教材同背後嘅概念之後，都係覺得謙卑少少比較好，所以寫左「眼光放遠，會發現世界其實很大」呢篇文，可以去前幾篇文章睇翻。
如果上半年嘅主軸係「累積」同「補強」，下半年嘅主軸就係「實現」。
將新學到嘅概念，結合本身已經了解嘅人體動作分析同訓練細節，應用係運動員身上。
今年亦都教多左唔少運動員，由高水平嘅香港隊到爭取係新賽季突破自己，進入香港隊嘅業餘運動員都有。我亦都好期待係一段長時間有規律嘅準備之後，大家可以成長到咩程度。
期待2022嘅下半年。
Comments