如果你不幸受傷，開始治療之後應該就係想盡快回歸賽場。呢樣野都無可厚非，但係咪治療到唔痛就可以返去打波？
上一篇文章就講除左治療外，仲需要練大重量訓練，確保關節附近嘅肌肉同軟組織強度足夠應付運動需求，先可以減低受傷嘅風險。
係跑跳嘅時候，每一下落地都會由下肢嘅筋腱同肌肉吸收落地嘅衝擊力，然後再釋放吸收左嘅衝擊力，黎達至快速移動嘅效果。
（swipe left有圖同影片幫助理解）
情況就好似拉弓射箭咁樣，吸收衝擊力就係拉弓嘅動作，然後釋放就係射箭。
所以你見到運動員係球場上能夠做到快速移動，並唔係全部都係運用肌肉發力，而係有一部分係依靠類似增強式動作嘅原理黎做到。
要做到呢種增強式動作，主要講求幾個因素：
1️⃣筋腱強度
2️⃣肌肉強度
3️⃣關節協調能力
簡單黎講，筋腱同肌肉足夠強可以承受衝擊力，同時全身關節能夠係落地同反彈時協調用力，係短時間內放鬆再收緊，令到衝擊力可以傳遞到髖關節大肌肉，而唔只係由小腿肌肉同腳踝關節承受。
而呢種協調能力最好就係依靠增強式訓練本身黎訓練，正如即使弓步嘅動作模式類似於跑步，但練幾多弓步都唔會令到你識跑步，都係要依靠跑步本身去練跑步。
另外，雖然可以透過離心收縮訓練去訓練筋腱強度，但增強式動作係短時間內要求筋腱拉長縮短對筋腱嘅刺激係大於慢速負重訓練。
所以，總結黎講，想跑跳嘅時候唔再受傷，最好嘅方法就係練跑跳動作。
當然，係受傷後，關節跟腱仍然脆弱，所以最好都係由低強度嘅動作開始練起，雙腳一下一下做，然後再到單腳，再到連續做，再到多角度，慢慢等關節適應，最後先回歸運動，就係最好嘅方法。
コメント